Sumo eh salah

Ado bahayo eh pos mondo2 bahso ni tghutamo eh cakap2 omputeh ni ha. Kang ado pulak yang bosa mato, kocik hati, tosinggung sano sini dan sobagai eh.

Tak kurang juo yang dah sotat bagi sey coghamah yang langsung tak bokaitan ngan topik pobincangan. Sey nak cakap apo laie.

Sey mohon maaf la sey pun bukan poghofek pun, cakap pun ado salah sano sini. Kito cumo kungsi2 apo kito tau yooo. Tak sangko pulak ghamai yang nak mongo-share bondo yang sey ghaso kocik punyo matter. Bilo oghang share, totibo yo oghang bominat nak ambik tau sumo bondo. Kok boleh ditinjau taik tingo sey, ditinjau eh. Tak payah la aih nak nengok an bona, taik tingo sey bia yo la dio bahagio dalam tingo.

Apo pun, sey kat Pinland ni, sey tongah bolaja bahso dio. Sey tau la susah eh nak bolaja bahso baru. Kono pulak bahso Pinland ni antagho bahso tosusah dalam dunio. Tapi sey teghai2 yo lah. Banyak buek salah. Iyolah, ni bahso kotigo yang sey nak blaja. So yeah, sey paham yo, kok buek salah bilo blaja bahso tu bondo yang normal. Sey takdo nak golak an oghang bilo dio nak blaja. Tapi ekau jangan tunjuk bosa palo di mano2 bilo dah pandai. Kok oghang boduk ekau nanti.

Sey kungsi2 ni bukan nak tunjuk pandai ko apo. Ikut ati sey nak yo sey sopiking nogoghi yo from now on. Pokok kek kau la nak paham ko tak.

Yang ponting eh, doa kan lah yang tobaik untuk sey yo. Moga hidup sey ni untuk bobakti pado smuo. Kalau sey ado buek salah, sey minta maap. Kalau sey tak buek salah, kito enjoy2 relax2 yo la. Tak mo la negatip2 sangat. Kalau tak bokaitan ngan topik pobincangan, ekau tayah la bukak khemah nak bagi coghamah politik, agamo mahupun apo2 yang akan monyinggung ati kocik sey ni. Sini pukul 1 pagi dah ha. Sey nak tido. Moga kito smuo diboghi kokuatan untuk haghi2 esok yo. Amin.